مراحب
كيف تصطادين المعرس دون اللجوء إلى الأساليب السقيمه من مغازلات وترقيم والتلميح إلي ماله سنع والترزز بالأسواق .إلخ؟
أهم شي نشني على العجوز اللي حاطه عينك على ولدها ثم نفذي مايلي :0
1-خليك مع أمك ولا تروحين تتهبلين مع البنات اصبري عنهم كم شهر لين تتم العمليه.0
2-امشي وانت حاطه راسك بين كتوفك حتى لو عورك خلي الفكس في متناول يدك.0
3- كلمة خاله خليها دايم على لسانك خاصه لام المعرس عشان تحس بنوع من التميز عن باقي العجايز
ملاحظه:0لامانع من ان تنادي عجوز ثانيه بخاله عشان اذا مانجحت الخطه مع العجوز نمبر ون تنجح مع نمبر تو الاحتياط واجب .
4- اذا بدت امك تتكلم انغزيها بكوعك عشان تدخلك بالسالفه حتى لو مالك داعي تطبيقا للمثل (كثر الدق يفك اللحام) داريه ان المثل ماله داعي بس مالقيت غيره.(هههه)
5- أخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كانك امهم عشان العجوز تاخذ فكره انك حريصه على ذريتك.0
6- كل ما اكلت امك اكله زينه خليها تقول نفس الاكله اللي تسويها بنتي حتى لو الاكل من مطعم صيني او مكسيكي 0
7- اذاجيتي بتمدين يدك توجعي وخلي امك تقول قايلت لك وانا امك ماله داعي تنظفين جدران البيت الخارجيه < اقول نظفي غرفتك اول اللي تقولين صايره فيها قنبله نوويه>0
8- اذا تكلمو الحريم عن العرس اكتمي نفسك لين تحمر خدودك عشان يقولون البنت تستحي ومالنا حق نتكلم عندها .0
9- مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطه
10- شعرك افرديه لاتخلينه طاير ولا تجعدينه مهما كانت الموضه لان العجايز مايدورون الا اللي شعورهم ناعمه.0
11- اذا ادلت العجوز (ام المعرس المتوهق) باي راي سياسي او وطني او اقتصادي وافقي عليه حتى لو انه ماسخ وماله داعي مثال: تقول العجوز بوش متقهوي عندنا البارح قوليلها ليه ماعلمتينا ياخاله نجي نساعدكم
12_ في العروس اضغطي على نفسك واقضبي ارضك ولا ترقصين واعتبري الرقص عيب وشق جيب.0
13- اذا جا طاري السوق خلي امك تقول بناتي مايحبون يطلعون السوق ابوهم يجيب اغراضهم .0
******************************
الحين العجوز تكون وقعت في الفخ
..........
نروح للمعرس الحين
1 اهجدي في بيت اهلك ولا عاد تطلعين واذا جا المعرس يشوفك خلي ابوك يقول والله ودي تشوف البنت بدون ماتدري عشان تاخذ راحتك وانا عمك وبعد تشوفها على الطبيعه وما تقول غشيتوني ( ايه هين يالشايب والله لو بيدك كان تحط مكانها باسكال مشعلاني)0
2 قبل يجي اليوم اللي يشوفك فيه بحوالي اسبوع او اكثر ( حسب شين الوجه) طامري من صالون لصالون صبغ فرد تنظيف بشره ........الخ
3 اذا جا المعرس خلي اخوك يوقف جنبه عشان مايطيل التبحلق ويبان المستخبي وذلك تطبيقا لنظريه <اللمحه ذبحه>0
4 في نهاية المشهد خلي ابوك يقول معليش وانا عمك ترى البنت شوي محيوسه ( معليه يالشايب تنصب على المسكين) وبهالحظه الولد بينط على راسه ويبوسه لين يشفط مخه ويقول متى العرس ياعم.0
تحذير مهم:ابتعدي عن امهات العيال المتعلمات راعيات الشنطه نفس لون الجزمه هاذولا يبيلهم خطط بعيدة المدى
ملطوش
موضوع: للي تبغى تعرس ^_* 
