ورق منثور ..

شفني بصدي ما أبي شوفك اليوم ... والمشكلة قلبي وروحي يبونك

مابي أزود في سما حزننا غيوم ... يمطر عذابي من حشاها بدونك

مدري شسوي والحزن صار محتوم ... يرمي ثماره والأسى من غصونك

أكتب شعوري في ورق غير ملموم ... واروي حروفي بالغلا من عيونك

شف حال دمعي جمرة (ن) تشتعل دوم... أو حال كف (ن) ينثر الشعر دونك

وانت توسد خاطرك راحة النوم ... لاحب همك ولا حرك سكونك

جيتك وشايل لك فرح فوق الهموم ... شفتك تجهز مابقى من كفونك

عزاه ياقلبي ليا قلت مرحوم ... ماتنطفي نار (ن) ضوت من ظنونك

حبك تدنى والوصل صار معدوم ... وامست غصوني تشتكي من مزونك

للشاعر : علي القضيب