مــزآجي اليوم [ حزين ]

مــزآجي اليوم [ حزين ]
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


،،
حتى ولو ما عندي أحدٍ يساويك لاشك تسوى كل حب الكرامه
ان زرتني مشتاق لي ياهلا فيك وان غبت مرخص شوفتي يالسلامه
ما دمت تحمل لي المودة فأنا أغليك ويعطيك قلبي كل صادق غرامه
وان صد قلبك واصبح البعد طاريك قللي ولا يلحقك مني ملامه
لا طالبك ترجع ولا قايل أبيك على المقفي كيف أحس بندامه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا بحر



يا بحر أنا بسألك عن مبعد الدار يا اللي من الأشواق مبرد وخالي
أنت طويت بلجتك علم وأسرار وانا طرالي من الهوى ما طرالي
عودت لي من ماضي الوقت تذكار تذكار خل أبعدته الليالي
باسباب ظرفٍ حط في خافقي نار سوى لهبها داخل القلب صالي
يا ليت يدري ناعس الطرف وش صار إن كان ما خلاني بجو خالي
لأنه يعرف إني من الناس ما اختار غيره ولا أبدل سواهم بدالي
ليته نشد عن حالتي وتجيه الأخبار ويشوف مضنون الحشا كيف حالي
هو نور عيني والغلا وزهوة الدار في بعدهم ضاق الفضا والمجالي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ياهجيري فرقونا كل ماحلّ إجتماع وكرّهونا في بعضنا لكن السرّ إكتمه
غبت من سبّت عذول ٍ إشتريته ثم باع وصار قلبك والمشاعر لاطرالك تشتمه
من رحل طيفك وأنا ألي بيني وبيني نزاع كنّ في صدري حزين ٍ لاتذكرّك أرحمه
شف مئآسي هالخيانه أثرت بي للنخاع شف مكانك في خفوقي شوف حزنه يكتمه
من ظلامي إل ظلامك مركب بليّا شراع وحبك بقلبي وحبي (للعواذل) تقسمه
غابت البسمه وقفآ من سنا فجرك شعاع وإنطوت صفحات ذكرى تأسر ألي تفهمه
والقلم لملم حكاوي حاولت تنهي الصراع ولاكسب غير المأسي والجفاف ألي هزمه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


هدي سنينك اكثر العمر قد راح يا ما خذا مني سنيني عجاله
باقي سنة والكل منا بيرتاح باقي سنة ونروح كل لحاله
ياما تحملنا من احزان وافراح وياما مشينا الدرب صعب وسهاله
ياما خفينا من عظيمات الجراح نضحك مثل منهو زمانه صفى له
لا تساليني واكثر الدمع فضاح لا تساليني عنه ليه انهماله
تحمليني يوم العزم مني طاح تدرين هم الجرح صعب احتماله
باقي سنه والهم عنا بينزاح وييغيب صوتي والقلم وانفعاله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


يلي تبي تسأل عن اوضاعي اليوم اعرف ترى قلبي تزايد شبوبه !
على وليفن حبه بداخلي دووم ما ينمحي مدام لناس توبه !
لكنّ طبع الحب لازم به هموم وزودن على همومي منامي عقوبه
أذكر وليفي كل حزه من النوم واندم على حبي عقب ما رخصوبه
ماظنتي من سكرة الحب بقوم وانا الذي روحي بحبه امغصوبه !
عند الغرق معروف ماينفع العوم هذي دروب الحب واكبر اعيوبه
محروم لا والله ماني بمحروم هذي ميولي كلها جات صوبه
هذا القدر مهما ضحكلك على يوم لا بد مافي يوم تشكي ذنوبه
وش له اكرر بالحكي وكثرة اللوم كم واحد(ن) بالحب قبلي غدوبه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


أبسأل . .
يا أجمل أنواع الصبر . .
ليه انتظر !! }ْ
وانا ادري بـ حالتي . . مالي أمل . .
لو انتظر كل العمر ،
إنك تجي . .
والا تحسّ بلهـفتي . .
والاّ تمر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


تخوفني مشاوير الطريق المظلم المهجور وانا لا من ذكرتك قلت طولي يامشاويري
عزاي انك رجاي العذب لو كل الدروب عثور وصلت اوما وصلت اعرفك ما انته منتظر غيري
حبيبي ..وكّل الله لاتحسبني بليد شعور لو انت المستحيل الصعب ماابدي لك معاذيري
احبك .. لو يموت الحب وتصير القلوب قبور اشوف الجرح يكبر وانت تكبر وسط تفكيري
احبك من هنا حتى طلوع الفجر حتى النور صحيح انك قدر محتوم بس اجمل مقاديري
احد ربي يحطك له حبيب ومايجيه غرور ؟ انا ليه التفت للناس وعيونك جماهيري
هلا بك من قِدْمَك ... لغرتك لي شعرك المنثور هلا في كل شيٍ فيك وانت اغلي مساييري
ترى صدق الغلا يجبر حطام الخاطر المكسور وانا مهما منحتك من غلاي اشعر بتقصيري
ولو طالت مشاوير الطريق المظلم المهجور انا لا من ذكرتك قلت طولي يامشاويري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


يطول الجفا وتشاغل الخاطر المكسور ويبقى مع الايام طاريك بلساني
اشوفك بعيني مع غياب وطلوع النور ذكرني خيالك يوم قلبك تناساني
تذكرت يوم اني معك راضيٍ مسرور وسجيت مدري هاجسي وين وداني
تخيلتك وفزيت طولي بدون شعور اثاريه طيفك صار له وقت ماجاني
طرتلي ليالي لو تذكرتها معذور لو الوقت يرجع كان انا جيتها عاني
يداعب نسيم الليل مجدولك المنثور تغطيه عني والهوى يكشفه ثاني
تفوح الجدايل مسك مدري عطر وزهور تعنيك في طولها والشوق عناني
اثر من تولع لو سمع مايطيع الشور هو اللي يشوف وباقي الناس عمياني
نسيت الليالي ذيك وشلون يامغرور انا كنت اغالط من يقولون تنساني
هذيك اليالي وين..؟ اثر الزمان يدور رجح في عيونك ذيك الايام ميزاني
انا كيف ابنسى خابرن قلبي المجبور لو اني نسيتك ماني بناسي احزاني
زمانٍ مضى له دور واليوم غيره دور انا اليوم مالد النظر لو تعداني
كفى ماجرى ما فيه داعي تجي مشكور غرام الليالي ذيك خله على شاني
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عادي إلا مني بكيت ونزلت دموعي قصيد عادي إذا شقيت ثوب الشعر وأعلنت الحداد
عادي إلا ناحت حروفي وقلت يا هل من مزيد لا تكفكفي حبر الدموع اللي جرت منك مداد
عادي الا منه فقيد وقام يرثي له فقيد عادي إلا منه القصيد توشح ثياب السواد
يا كم عن ابيات الرثا صدري حَلف إنه يحيد يا كم على مفارق حبيب استعصت حروفي تِماد
كم غرني إني حديد وعارف أعصابي حديد لين إنصهر كُلي وذاب الوجد في لحظة سهاد
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
طبعن كل الي كتبته للي في بالي