ججدتي وججدكك ,, كييف حـآلهمـ ؟!!

السلام عليكم و رحمة الله و بركاته
صباح / مساء النووور ^^

موضوعي طبعا باين من العنوان!

جدتك و جدك كيف حالهم؟؟
عارف/ـة اخبارهم؟؟
تقعد/ي معاهم دايما و لا لا؟؟
متى أخر مره زرتهم؟؟

أكيد ما فهمتوا قصدي من دا كلو

قصدي: إنو في كثييير من شباب و بنات هذا الجيل ما يعطوا ادنى اهتمام لأجدادهم ]قصدي الجد و الجدة سواء من الأم أو الأب]

كل همهم نفسم و لمن تسألهم كيف حال جدك يقول: أووووه من زمان عنه و الله ما ادري !!
و تسأل التاني يرد: أنا ايش يعرفني و أصلا إيش دخلني فيهم !!
و بعضهم يعتبرهم عبء عليه و يقول يا رب متى يموت أو تموت !!

طبعا اغلبكم راح يقول لا انا ما اسوي كدا و من دا الكلام
بس انا متأكدة إنو في ولو شخص واحد من إلي قاعدين يقرو موضوعي الأن هذا تصرفهم مع أجدادهم
طيب ليش كل دا؟
ليش كل دا الحقد و الكراهية و العدوانية؟!
لدرجة إنك تتمنى لهم الموت!!
ليش ما تزورهم و لو مرة بالإسبوع؟!

شي أبدا ما يجووز و ما يرضاه لا ربنا و لا رسوله عليه الصلاة و السلام
و هم بمنزلة الأم و الأب يعني زي ما تبر/ي بأمك و أبوك لازم تبر/ي بهم همن كمان

و لا ننسى إنهم سهروا و تعبوا و اشتغلوا عشان يربوا أولادهم إلي هم أمهاتنا و ابائنا و إلي لو لا الله ثم هم ما كنا موجودين في هذه الحياة

فنروح نكافئ جميلهم بسيئة!
و بدل ما نساعدهم و نخليهم يتكلوا علينا نقعد نضحك عليهم و نتمسخر عليهم و نتكبر عليهم!!
ولا ننسى إن الدنيا دوارا يعني ممكن في المستقبل إن الله أراد اولادكم أو احفادكم يسو نفس إلي كنتوا بتسوه لأجدادكم!!
و هذا شي مو مستبعد!

الحاجة إلي حابة أوصلها هي:
احسنوا إلى من أحبوكم منذ ولادتكم
إلى من استحملوا إزعاجكم و لعبكم الصاخب في صغركم بحجة إن هؤلاء أحفادي
احسنوا إليهم و أرضوهم و ساعدوهم و اعينوهم فهذا أقل شيء تسونه لهم
فهم قد لاقوا من الدنيا ما لاقوا و قد ذاقوا مرارتها و شقائها حتى تعبوا منها
فلا تزيدوا عليهم فوق همهم هما و فوق تعبهم تعبا

زوروهم و أسألوا عن أخبارهم حتى لو بالجوال فقط إذا كانت ظروفكم ما تسمح

و الصراحة انا ما بقيلي غير جدتي أشوفها من فترة لفترة بحكم شغل ماما و بابا فأحيانا حتى الويك اند ما نخرج مكان عشان الشغل
بس ماما و بابا دايما يسألوا عنها بمجرد اتصال حتى إحنا
و متى ما سمحت لنا الفرصة في اقرب وقت نروح نزورها و نسأل عن اخبارها و أحيانا تكسر خاطري تقول ليش ما تجوني و ليش و ما ادري ايش و من ذا الكلام و أنا احزن الصراحة لمن اسمعها تقول هذا الكلام
لأننا فعلا مقصرين بحقها بس ايش نسوي حكم القوي على الضعيف
بس طبعا نفرح لمن نشوفها طيبة و بخير و ما فيها إلا العافية و ابتسامتها ملازمتها

و انتو كمان لا تخلوهم يحزنوا و يشيلوا بخاطرهم منكم
زوروهم و لو مره بالأسبوع إذا مداكم اسألوا عنهم بمكالمة كل يومين ع الأقل
فهم ما يفرحوا إلا لفرح أولادهم و أحفادهم و ما يحزنوا إلا لحزنهم
فلا تخلوهم يحزنوا لمن ما يشوفوكم حولهم
و طبعا ما ننسى جلساتهم إلي يمكن لو جلسنا معاهم بس ساعة و سمعنا تجاربهم في الحياة و قصصهم
يمكن كانت فادتنا طووول حياتنا و اكتسبنا منهم حكم و درر لا تقدر بثمن

و لا ننسى لا فات الفوت ما ينفع الصوت
فأبدأوا من اليوم بصلتهم إذا كنتم منقطعين عنهم و إذا كنتم واصلينهم فبارك الله فيكم و حاولوا تزداد علاقتكم فيهم أكثر

و إلي ما عندهم أجداد فأنا أسأل لأجدادهم الرحمة و المغفرة و دخول جنات النعيم من أوسع أبوابها

أسالتي إلي حابه أسألها:
1) كيف علاقتكم مع أجدادكم؟
2) متى أخر مره شفتوهم؟؟
3) إيش رايكم في إلي يعاملوا أجدادهم بطريقة سيئة؟
4) أي إضافات أخر حاب/ـة تقولها لنا؟

و أخر شي سووري ع الإطالة ^^
و إن شاء الله يكون موضوعي خفيف و ألقى فيه تفاعل فيما بينكم
و لا ننسى إنو هذا أول موضوع لي بالقسم ^^ يعني سووري لو كان في شي خطأ!
أترك لكم الساحة للتعبير عن رأيكم بحرية بس بحدود الأدب

لكم خالص الود و الاحترام و انطلقوا

احححم احححم يَ ححلاةة الموضوعع ان كان بدايتهه انا << هههههههههههه

مثيييير للجدل

آنـآ عن نفسسي لو كانوا هوون كان من الممكن اجلس عندهم واقططن بعععد

بسس رحمةة اللهه علييهم

..

نصيحةة للي عندوا جدةة آو ججد اهتتم فييهم لاتهملهم

ترآ وربي حتى السسؤال عنهم يبسسطهم وهذا اققل ششي لاتبخل

علييهم بالجلسهه والوناسسهه والفلهه <<< نععم خخيير هههههههههههه

لا جججد ججد آتكلم ..

وشسسمهه مششكوورةة خطررطرر ع الموضووعع

عاد ماوصيكك حتى انتي هالله هالله بالغغاليهه ...

خواطر مكسورة

أشششكرك ع المووضضوع

أنا دخلتته كـــذا مرررة

ادخل و اطلــلع بسس كذاا

و بصصراحة ما عندي أي تعلييق

!

أشكرك مرة ثانييية ع الموضوع